БИШКЕК, 4-сен. — Sputnik. II Дүйнөлүк көчмөндөр оюндарынын биринчи күнүнүн жыйынтыгы боюнча Кыргызстан 3-орунга чыкты. Бул тууралуу Дүйнөлүк көчмөндөр оюндарынын катчылыгы билдирди.
Бүгүн, 4-сентябрда көчмөндөр оюндарынын спорттук беттештери уланып, таяк тартыш жана казакча күрөш боюнча финалдык беттештер өттү. Мындан сырткары спорттун көк бөрү, ордо, бүркүт салуу, далба ойнотуу, тогуз коргоол, мангала түрлөрү боюнча квалификациялык оюндар болду.
Биринчи күндүн жыйынтыгы боюнча:
- Россия 9 алтын, 2 күмүш, 1 коло;
- Грузия 2 алтын, 1 күмүш;
- Кыргызстан 1 алтын, 1 күмүш, 8 коло;
- Армения 2 күмүш, 1 коло;
- АКШ 2 күмүш, 1 коло;
Экинчи дүйнөлүк көчмөндөр оюндары 8-сентябрга чейин уланат.
Sputnik Кыргызстан маалымат агенттиги жана радиосу Дүйнөлүк көчмөндөр оюндарынын расмий медиаөнөктөшү болуп саналат.
