БИШКЕК, 31-авг. — Sputnik. "Легенды" (Уламыш) тасмасы тартылып бүттү. Бул тууралуу Sputnik Кыргызстан агенттигине "Саякбай манасчы" коомдук фондусу билдирди.
Маалыматка ылайык, 1 саат 50 мүнөткө созулган тасма "Telegey Company" киностудиясы тарабынан тартылды.
Сценарий боюнча эки жаш Кыргызстандын кооз жерлерин кыдырып, андагы уламыштарды угушат. Тасма сүйүү, тарыхый окуялар менен коштолуп, баш-аягы сегиз уламыш баяндалат.
Кинонун бюджети 15 миллион сомду түзүп, ага "Саякбай манасчы" коомдук фондусунун төрагасы Самат Ибраев демөөрчүлүк кылды.
Тасма өлкө боюнча бүткүл 40 райондо көрсөтүлөт.
