БИШКЕК, 26-авг. — Sputnik. Жыл башынан бери жалпы республика боюнча 96 адам сууга чөгүп же агып каза болгонунун Өзгөчө кырдаалдар министрлиги билдирди.
Маалыматка ылайык, суудан көз жумгандардын ичинен 53ү — эркек, 13ү — аял, 30у — жаш бала. Ал эми облус боюнча январдан 23-августка чейинки убакытты алсак, тизме төмөнкүдөй:
- Чүй облусу — 37 адам каза болгон. 27си — эркек, төртөө — аял, алтоо — жаш бала;
- Ош облусу — 14 адам. Алты — эркек, үч аял, беш жаш бала;
- Ош шаары — 10 адам. Бир эркек, бир аял, сегиз бала;
- Бишкек шаары — 8 адам. Беш эркек, бир аял, эки жаш бала;
- Жалал-Абад облусу — 8 адам. Алты эркек, бир аял, бир жаш бала;
- Ысык-Көл облусу — 7 адам. Үч эркек, бир аял, үч жаш бала;
- Талас облусу — 5 адам. Үч эркек, бир аял, бир жаш бала;
- Нарын облусу — 5 адам. Бир эркек, бир аял, үч жаш бала болсо,
- Баткен облусу — 2 адам. Бир аял, бир жаш бала.
Ал эми 2015-жылы республика боюнча жалпысынан 120 адам сууга агып же чөгүп каза болсо, анын 84ү — эркек, 9у — аял, 27си — жаш бала болгон.
