БИШКЕК, 24-авг. — Sputnik. Интернетке Боом капчыгайында джип менен кагышкан кийин микроавтобустун аласалып кеткендеги видеосу жарыяланды.
Эскерте кетсек, кырсык кечээ, 23-августта болуп, анда Mercedes Benz Sprinter менен Toyota Highlander унаасы кагышкан. ӨКМдин маалыматы боюнча, бустун дөңгөлөгү жарылып калган. Жанаша бараткан джипти сүрүп барып, микроавтобус жолдун тосмосун сүзүп оодарылып калган.
Оодарылып кеткен унаанын жүргүнчүлөрүнө аталган министрлик менен Тез жардамдын Боомдо жайгашкан бөлүмдөрү жардам берген.
