БИШКЕК, 19-авг. — Sputnik. Ала-Бука районунда чек араны мыйзамсыз кесип өткөн өзбек милиционери кармалды. Бул маалыматты Sputnik Кыргызстан агенттигине КРдин вице-премьер Жеңишбек Разаков тастыктады.
Анын айтымында, аталган факты боюнча иликтөө иштери жүрүп жатат. Вице-премьер мындан башка маалыматтарды тактаган жок. Разаков мындан сырткары буга чейин бул чырга атайын даярдыктагы "Скорпион" отряды катышкан деген маалыматты тастыктаган да, төгүндөгөн да жок.
Ал эми өткөрбөй койгон милиция кызматкерлерин коркутуу үчүн кыргыз аскери жерди көздөй ок чыгарган.
Маалыматта Өзбекстандын Наманган облусунун Ички иштер башкармалыгы бир милиция кызматкери барымтага алынып, Кыргызстан тарапка киргизилип кеткендигин билдиргени айтылган.
Ал эми КР Башкы штабы өзбек тарап маалымдагандай окуя катталбаганын, ал калп деп баса белгилеп айткан.
