БИШКЕК, 17-авг. — Sputnik. Бразилиядагы жайкы Олимпиада оюндарында Казакстандын курамында күч сынаша турган кыргыз кызы Жылдыз Эшимова бүгүн, 17-августта Бишкек убактысы боюнча саат 19:00до килемге чыгат. Бул тууралуу КРдин делегациясынын маалымат катчысы Кабыл Макешов билдирди.
Эркин күрөш боюнча 48 килограммага чейинки салмакта 1/8 финалдагы аялдар арасында кыргыз кызы Жылдыз Эшимова (Казакстан) жапониялык Ери Тосака менен кезигет.
Белгилей кетсек, Риодогу жайкы Олимпиадага аттанган 19 кыргыз спортчуларыны ичинен азырынча Иззат Артыков гана коло медаль тагынган.
