БИШКЕК, 14-авг. — Sputnik. Кыргызстандык үч жөө күлүк — Юлия Андреева, Мария Коробицкая жана Виктория Полюдина жекшемби күнү олимпиадалык марафондо чуркап, алдыңкы жүз спортчунун катарына кирди.
Андреева марага 2 саат 40 мүнөт 34 секундда келип, 59-орунду ээледи. Ал эми кийинки күлүк Виктория Полюдина 2 саат 41 мүнөт 37 секунд менен 62-орунга ээ болду. Кыргызстандыктардан акыркы болуп 2 саат 47 мүнөт 53 секундда Мария Коробицкая келди.
Бул аралыктагы алтын медалды марага 2 саат 24 мүнөт 4 секундда келген кениялык Жемина Сумсон алды. Күмүш медаль бахрейндик Юнис Кирвеге буюрду (2 саат 24 мүнөт 13 секунд). Ал эми болгону 7 секундга артта калып, үчүнчү орунга эфиопиялык Маре Дибаба ээ болду.
