БИШКЕК, 10-авг. — Sputnik. Эл аралык "Манас" аэропортундагы ажатканалар толугу менен оңдолуп жатат. Бул тууралуу аэропорттун маалымат кызматынан кабарлашты.
Аэропорттун өндүрүштүк оңдоо жана курулуш бөлүмүнүн Бишкектеги филиалынын жетекчиси Сергей Борискиндин айтымында, жүргүнчүлөрдүн агымы көбөйүп жаткандыктан ажатканалар жетишсиз боло баштаган. Буга ылайык аэропорттун жетекчилиги санитардык түйүндөрдү кайрадан пландаштыруу чечимин чыгарган.
"Буга чейин эки гана ажаткана болсо, эми аялдар менен эркектерге бир нече ажатканалар салынат", — деп билдирди Борискин.
Аэропорттун өкүлү билдиргендей имараттын ичиндеги пол менен дубалдар жаңыртылып, түтүктөр алмаштырылып жатат. Анда жалаң гана заманбап курулуш материалдары пайдаланылууда.
Эркектер үчүн жасалган ажаткана толугу менен ишке берилсе, аялдардыкында иш уланып жатат. План боюнча 10 күндүн ичинде бүткөрүлүүсү керек.
