БИШКЕК, 10-авг. — Sputnik. Эртең, 11-август күнү өлкө боюнча жаан жаай тургандыгын Кыргызгидромет билдирди.
Кээ бир райондордо батыштан соккон шамалдын ылдамдыгы секундасына 18-23 метрге жетиши мүмкүн.
Ысык-Көл, Нарын облустарынын айрым жерлеринде өткүн өтүп, күн күркүрөшү күтүлөт. Чүй, Талас, Ош, Жалал-Абад, Баткен облустарында түнкүсүн жаан-чачын жаабайт, күндүз кээ бир тоолуу райондордо өткүн өтүп, күн күркүрөшү мүмкүн.
Ал эми Бишкекте күн ачык болуп, абанын түнкү температурасы 17…19 градус, күндүз 31…33 градус жылуу болот. Ош шаарында да жаан-чачын болбойт. Абанын түнкү температурасы 19…21 градус, күндүз 34…36 градуска чейин жетет.
