БИШКЕК, 10-авг. — Sputnik. Өкмөт башчы Сооронбай Жээнбеков Тышкы иштер министри Эрлан Абдылдаевди кабыл алгандыгын өкмөттүн маалымат кызматы билдирди.
Жолугушуу учурунда Абдылдаев АКШ да "С5+1" форматында өткөн жыйын тууралуу маалымат берди.
"ТИМ башчысы II Дүйнөлүк көчмөндөр оюндарына жана сентябрь айында өтө турган КМШ президенттеринин саммитине карата даярдыктар тууралуу айтып берди", — деп айтылат маалыматта.
Өз кезегинде өкмөт башчы эл аралык деңгээлдеги иш-чараларды талаптагыдай өткөрүү тапшырмасын берди.
КМШ өлкө лидерлеринин саммити 16-17-сентябрь күндөрү Бишкек шаарында өтөт.
