БИШКЕК, 8-авг. — Sputnik. Рио-де-Жанейродо өтүп жаткан жайкы олимпиадалык оюндарда америкалык Майкл Фелпс 4х100 метрлик сууга сүзүүдө биринчи келип, 19-алтын медалын жеңип алды. Бул тууралуу РИА Новости жазып чыкты.
Финалдык таймашта АКШнын курама тобундагы Фелпс, Калеб Дрессел, Райан Хелд жана Натан Эдриан 3 мүнөт 9,92 секунд убакытта келип эң мыкты атыгышты.
Фелпс тарыхта 19 жолу чемпион атыккан алгачкы спортчу. Анын эсебинде 23 олимпиада медалы бар.
