БИШКЕК, 3-авг. — Sputnik. Бишкек ШИИБи борбор калаадагы көчөлөрдүн биринде унаасын аркасы менен айдаган айдоочуну издеп жатканын аталган башкармалыктан билдирди.
Опубликовано БеспределKG 2 августа 2016 г.
Буга чейин социалдык тармакта I 7777 A мамлекеттик номерлүү кара түстөгү жип унаасынын Байтик баатыр көчөсүнөн аркасы менен жүргөн видеосу пайда болгон. Аталган видеону Instagram социалдык тармагына nuraiym_9999 деп катталган колдонуучу жүктөгөн.
"Биз аталган роликти интернет аркылуу көрдүк. Учурда унаанын айдоочусуна издөө жарыяланды", — деп айтылат маалыматта.
"Нурайым" деген ысым соцтармактардагы дагы бир чуулгандуу окуя менен байланыштуу. Кыз кымбат баалуу унаалардын жанынан сүрөткө түшүп интернетке жайгаштырган. Мында унаалардын баарына NURAIYM деген номер тагылган. Нурайым өзүнүн чала таанылган сүрөттөрүн да коюп келген. Бул номерди пайдалануу мыйзам бузуу катары катталып, кызды шаар боюнча издей башташкан. Кийинчерээк Нурайым милицияга өзү келген. Бирок жасалма номер менен унаанын айдалышы катталбагандыктан, ал кылмыш жоопкерчилигине тартылган эмес.
