БИШКЕК, 20-июл. — Sputnik. Алматынын полициясы бүгүн, шаршемби күнү ыкчам-издөө иштерин жүргүзүп жатат жеп жазды Новости-Казакстан Шаардык ички иштер департаментине шилтеме берүү менен.
Агенттиктин маалыматына караганда, Жашыл базар деп аталган шаардык базардын атайын операция жүрүп жаткан аянты автоматчан аскерлер менен курчоого алынган.
"Гоголь, Зенков, Макатаев, Абдуллин көчөлөрү кесилишкен аянттарда ички иштер органдары тарабынан ыкчам-издөө иштери жүрүп жатат",— деп айтылат полиция тараткан маалыматта.
Полиция буга байланыштуу элди эшикке чыкпай, тынч отуруусун жана тартип коргоо органдарынын айткан талаптарын аткаруусун суранды.
"Полиция элден расмий таратылган маалыматтарды колдонуп, тастыкталбаган маалыматтарды таратпоону суранды. Жалган маалыматтарды билип туруп тараткандар Казакстандын Кылмыш кодексинин 274-беренесинин негизинде жоопко тартыларын эскертебиз",— деп айтылат маалыматта.
18-июлда саат 11лерде куралчан адам Алматы шаарындагы Алмалы райондук полициясына кирүүгө аракет кылып, ал жердеги кызматкерди жарадар кылып, автоматын алып качкан. Андан ары жеңил автоунааны тартып алууга аракет кылып, ээсине ок жаңылып, мерт болгон.
Бийлик бул окуяга теракт деп баа берди. Кандуу калабаны уюштурган Кызыл-Ордо облусунда туулган 26 жаштагы жаран болуп чыкты. Окуя болгондо күч түзүмдөрү шаарга алгач терроризмдин эң жогорку коркунучу жаралды деп кызыл деңгээл киргизилген.
Кечке жуук, террорчулукка каршы операциялар жүргүзүлүп, аны сары түскө түшүрүштү.
Тартип коргоо органдарынан кол салууну ал киши жалгыздап жүргүзгөндүгүн билдиришти.
