Алматыдагы коопсуздуктун кызыл деңгээли алынды

БИШКЕК, 18-июл.— Sputnik. Алматыдагы Кызыл деңгээл алынды. Бул туурасында Новости-Казакстан маалымат агенттиги кабарлады.

Кызыл деңгээл Алмалы Ички иштер бөлүмүнө, Улуттук коопсуздук боюнча Департаментине кол салуудан үч полиция кызматкери өлтүрүлгөндөн кийин киргизилген.

Буга чейин Алматы шаарындагы Алмалы райондук милиция менен көчөдөгү эки полиция кызматкерине кол салуу окуясынан кийин, калаадагы курал саткан дүкөндөр жабылып, банктар ишин токтоткон.

Окуянын хронологиясына көз чаптырсак, белгисиз киши саат 11лерде ал Алмалы райондук милициясына кирип, жерден нөөмөттө турган аскерди өлтүрүп, автоматын алып кеткен. Андан соң жай жаранга кол салып, автоунаасын минип качып, ал эми автоунаа ээсине ок жаңылган. Анын артынан кууган полициянын кайгуул кызматынын эки кызматкери ок жеп жарадар болгон. Шектүү киши кийинчерээк кармалып, ким экендигин такталган. Ал эми күч түзүмдөрү "перехват" планын жарыялаган. Көп өтпөй экинчи шектүү колго түшкөн. 

Ал ортодо Казак президенти Нурсултан Назарбаев Алматыдагы атышууну терракт деп атаган.

Алматы шаарынын борборунда болгон атышуунун кесепеттерин Sputnik Кыргызстан агенттигинин сүрөт түрмөгүнөн көрүңүздөр>>