Башкы штабдын билдирүүсү өлкөнүн негизги каналы TRT телеканалынан окулду. Анда жарандарды сыртка чыкпоо айтылган.
Түркиянын аскерлери өлкөдө конституциялык абалды жөнгө салуу үчүн бийликти басып алганын билдиришти. Өлкөнүн негизги каналы болгон TRT каналынан өлкөнүн Башкы штабынын кайрылуусу бир нече жолу окулду. Түркиянын куралдуу күчтөрүнүн башкы штабы бийлик алардын колуна өткөнүн билдирген.
15-июлда кечинде Түркиянын премьер-министри Бинали Йылдырым NTV телеканалына өлкөнүн аскерлери өлкөдө аскерий төңкөрүш кылууга аракет кылганын телефон аркылуу билдирген. Йылдырым аскерий топ өздөрүн берилген укуктарды жана курал-жаракты колдонуп "мыйзамсыз аракеттерди кылууга аракеттерди көргөнүн" белгилеген. Бирок, түрк өкмөтү ишин улантып жатат.
Өз кезегинде Түркиянын Башкы штабы өлкө бийлиги өз милдеттерин аткара албай турганын билдирди.
Ал эми өлкөнүн президенти Тайип Эрдоган төңкөрүш жасоого аракет кылгандар катуу жазалана турганын айтып, бул баш аламандыкты токтотуу үчүн элди көчөгө чыгууга чакырган.Эрдогандын тарапташтары аскерлердин аракеттерине каршылык көрсөтүүгө аракет кылууда.
