БИШКЕК, 13-июл. — Sputnik. Президент Алмазбек Атамбаев адам курмандыктарын жараткан Италиянын түштүгүндөгү жүргүнчүлөрдү тарткан поезддердин кагылышына байланыштуу Италия президенти Серж Маттареллага көңүл айтты. Бул туурасында президенттин маалымат кызматы кабарлады.
"2016-жылдын 12-июлунда Италиянын түштүгүндө көптөгөн курмандыктарга алып келген жүргүнчүлөр поездинин кагылышкандыгы тууралуу суук кабарды терең кайгыруу менен кабыл алдым", — деп айтылат мамлекет башчысынын телеграммасында.
Президент Алмазбек Атамбаев курман болгондордун туугандарына жана жакындарына чын жүрөктөн чыккан көңүл айтууну, ошондой эле жабыр тарткандардын тезирек сакайып кетишин каалай тургандыгын жеткирип коюуну өтүндү.
