БИШКЕК, 11-июл. — Sputnik. Вашингтондогу университеттин жана Лондон империялык колледжинин окумуштуулары дүйнө жүзү боюнча вирустук гепатит майыптык менен өлүмдүн негизги себебине айланганын илимий EurekAlert порталына шилтеме берүү менен РИА Новости жазып чыкты.
Окумуштуулар өз изилдөөлөрүнө 1990-2013-жылдар аралыгында 183 өлкөдөн чогулган маалыматтарды колдонушкан. Натыйжада 20 жылдан ашык убакыт аралыгында вирустук гепатиттин айынан өлүмгө дуушар болгон жарандардын саны 63 пайызга өскөнү байкалган. Тагыраагы дартка байланыштуу жыл сайын 1,45 миллион адам өмүр менен кош айтышат. Ал эми СПИД менен кургак учуктан каза тапкандардын саны салыштырмалуу төмөндөгөн.
Мындан тышкары вирустук гапатитке кабылгандардын көпчүлүгү кирешеси жогору жана орто өлкөлөргө туура келери белгилүү болгон. Ал эми Чыгыш Азияда мындай коркунуч жокко эсе.
