Матерацци Зидан аны эмнеге тоголото сүзгөнүн он жылдан кийин ачык айтып берди

© AFP / JOHN MACDOUGALL Италиянын футбол боюнча курама командасынын коргоочусу, 2006-жылкы дүйнө чемпиону Марко Матерацци жана Зинедин Зидан. Архив
Италиянын футбол боюнча курама командасынын коргоочусу, 2006-жылкы дүйнө чемпиону Марко Матерацци жана Зинедин Зидан. Архив - Sputnik Кыргызстан
Жазылуу
Эриндин кыймылы менен адамдын эмне деп сүйлөгөнүн окугандар италиялык оюнчу Зидандын энесине шек келтирген сөздү айтты дешкен.

БИШКЕК, 9-июл. — Sputnik. Италиянын футбол боюнча курама командасынын коргоочусу, 2006-жылкы дүйнө чемпиону Марко Матерацци эмнеге Зинедин Зидан аны төшкө тоголото сүзгөнүн ачык айтты. Окуя дүйнө биринчилиги үчүн Берлинде өтүп жаткан матч убагында болгон эле.

Мурдагы белгилүү футболчу жана Реал Мадрид клубунун азыркы машыктыруучусу Зинедин Зидан. Архив - Sputnik Кыргызстан
Зидан 44 жашта! Улуу футболчу тууралуу кызыктуу фактылар
2006-жылы Италия менен Франция, тагыраагы Зидан жана Матерацци ортосунда кайым айтышуу болуп кетип, миллиондогон элдин көзүнчө Зидан беркини тоголото сүзгөн. Ал үчүн Зидан айып баракчасын — кызыл кагаз алган. Акыл-эстүү эле спортчу эмнеге мындай кескин кадамга баргандыгынын аки-чүкүсү азыркыга чейин табышмак болуп келген.

Анын чоо-жайын иликтеп жиберген бир катар адистер, тагыраагы эриндин кыймылы менен адамдын эмне деп сүйлөгөнүн окугандар италиялык оюнчу, Зидандын энесине шек келтирген сөздү айтты дешкен. 

"Мен ал кезде чындыгында эле наадандык кылгам. Бирок Зидан анчалык кетпеши керек эле. Рим, Неаполь,Турин, Милан же Париждин ар бир бурчунан мындан да жаман ээн ооз сөздү угууга болот. Гезиттер жазгандай, мен энесине эмес, эжесине шек келтиргем", — деп агынан жарылыптыр Матерацци L'Equipe басылмасына. 

Зидан италиялык Марко Матерацци башы менен тоголото койгон видео элге кеңири тарап кеткен. 

Жаңылыктар түрмөгү
0