БИШКЕК, 8-июл. — Sputnik. Кыргызстанда сел жүрүү коркунучу дагы да болсо жогору экенин ӨКМ билдирди.
Маалыматка ылайык, 8-июлдан 10-июлга чейин күтүлүп жаткан нөшөрлүү жаан-чачынга байланыштуу республиканын тоолуу жана тоо этектериндеги райондорунда сел жүрүшү мүмкүн.
Адамдардын өлүмүнө жеткирбөө жана материалдык чыгымдарды азайтуу максатында ӨКМдин тийиштүү Жарандык коргонуу кызматтарына, облустардагы ыйгарым укуктуу өкүлдөрүнө, Бишкек жана Ош шаарларынын мэрлерине эскертүү берилди.
Ошондой эле уюлдук операторлор аркылуу элге СМС билдирүүлөр жөнөтүлдү.
