БИШКЕК, 29-май — Sputnik. Испаниянын футболдук клубу "Реал Мадрид" 11-ирет Чемпиондор лигасын жеңип, кубанычы койнуна батпай турган чагы. Бул жолу дагы "Реал" 2014-жалдагы финалдай эле "Атлетико" клубуна жеңилүү ызасын тарттырды.
Европадагы эң ири таймаш Миландагы "Сан-Сиро" стадионунда өтүп, негизги убакытта эсеп 1:1 эсебинде аяктады. Кошумча мүнөттө дарбазаларга канча ирет соккулар узатылганы менен, гол кирген жок. Андан соң оюндун тагдыры пенальти ыкмасы менен чечилип, жыйынтыгында 5:3 эсебинде оюн "Реал Мадриддин" жеңиши менен аяктады.
"Реал мадриддин" башкы машыктыруучусу Зинедин Зидан
"Атлетиконун" машыктыруучусу Диего Симеоне
Футболист Антуан Гризман.
"Реал мадриддин" башкы машыктыруучусу Зинедин Зидан
"Атлетиконун" машыктыруучусу Диего Симеоне
Футболист Антуан Гризман.
Sputnik Кыргызстан агенттигиг финалдык оюндан 11 фактына сизге сунуштайт.
- "Реалга" башкы машыктыруучу болуп келген Зинедин Зидан биринчи эле сезондо Чемпиондор Лигасынын кубогун утууга жетишти.
- "Атлетиконун" машыктыруучусу Диего Симеоне өз командасын эки ирет финалга алып чыгып, экөөсүндө тең жеңүлүү ызасын тарткан.
- Үч жыл катары менен Чемпиондор Лигасынын финалын Испаниянын клубдары утууда. 2014, 2016-жылдары "Реал" кубокко жетсе, 2015-жылы "Барса" мыкты аталган.
- Акыркы төрт жыл ичиндеги финалдык беттештерде жок дегенде үч гол киргизилчү. Бул ирет болгону эки гана гол кирди.
- Антуан Гризман 48-мүнөттө келген ооматын колдон чыгарып, пенальтиден гол киргизе алган жок. Бул Чемпиондор Лигасынын финалдык оюндарындагы бешинчи ишке ашпай калган пенальти.
- Бул финалдык оюнда алтынчы ирет бир өлкөнүн клубдары кубокко ат салышты.
- Зидан оюнчу жана машыктыруучу катары кубокко жеткен жетинчи адам болуп калды. Буга чейин Мигель Муньос, Жованни Трапаттони, Йохан Кройф, Карло Анчелотти, Франк Райкарди жана Хосеп Гвардиоло бул ийгиликтерге жеткен.
- Симеон менен Зидан оюнчу болуп жүргөн кезинде командалары сегиз ирет беттешкен. Эки ирет Зидандын командасы жеңишке жетсе, төрт ирет португалиялыктын командасы мыкты аталган. Эки жолу оюн тең эсеп менен аяктаган.
- "Реалдын" тогуз оюнчусу буга чейин Чемпиондор лигасын 2014-жылы утушкан.
- "Атлетико" клубу "Реалдын" эң күчтүү атаандашы катары саналат. Эки команда буга чейин 13 ирет беттешип, анын 10 оюнунда "Реал" жеңишке жеткен эмес.
- "Реал" ушуну менен 11-ирет Чемпиондор Лигасын утуп алды.
