БИШКЕК, 20-май — Sputnik. 11 адамдан турган үй-бүлө Афганистандагы Баглан провинциясында минага жарылып каза болду. Бул туурасында РИА Новости Khaama Press агенттигине таянып кабарлады.
Агенттик берген маалыматта, кырсык бейшемби күнү кечинде болгон. Үй-бүлө түшүп кетип бара жаткан автоунаа жарылгыч затка кабылган. Жергиликтүү полиция каза болгондордун бешөө кичинекей балдар болгондугун айтууда.
Медициналык кызматкерлер жарылуудан жаракат алган үчөө учурда ооруканада оор абалда жатканын билдиришти.
Акыркы убакта Афганистанда кырдаал бир топ начарлап кетти. Буга чейин өлкөнүн элет жеринин көп бөлүгүн ээлеп алган "Талибан" кыймылы учурда ири шаарларга басым жасап жатат. Мындан тышкары, мамлекетке "Ислам мамлекети" террористтик тобунун таасири да жайылууда.
