Валентина Шевченко экс-чемпион Холли Холм менен беттешет

© REUTERS / Mark J. RebilasКыргызстандык тайбоксчу, муай тай жана кикбоксинг боюнча дүйнөнүн бир нече жолку чемпиону Валентина Шевченко беттеш учурунда. Архив
Кыргызстандык тайбоксчу, муай тай жана кикбоксинг боюнча дүйнөнүн бир нече жолку чемпиону Валентина Шевченко беттеш учурунда. Архив - Sputnik Кыргызстан
Жазылуу
Март айында болгон беттешүүдө Холли Холм кыз-келиндер арасында жеңил салмак категориясындагы чемпион деген наамдан ажырап калган. Ал эми Шевченко бразилиялык Нуньенстен жеңилип калган.

БИШКЕК, 5-май — Sputnik. Кыргызстандык тайбоксчу, аралаш жоокердик өнөр, муай тай жана кикбоксинг боюнча дүйнөнүн бир нече жолку чемпиону Валентина Шевченко UFC (Ultimate Fighting Championship) турниринин экс-чемпиону Холли Холм менен беттешет. Бул туурасында маалымат MMA Fighting уюмунун расмий сайтында жайгаштырылды.

Турнир 23-июль күнү Чикаго шаарында өтөт. Шевченко менен Холмдун беттеши кеченин маанилүү окуяларынан болуп калмакчы.

Ошто Кыргызстандын ММА жана панкратион боюнча турнир өтүүдө
Мындан тышкары, бул кечте орточо оор салмакта Энтони Жонс менен Гловер Тейшейрой беттешсе, жеңил салмакта Гилбьерт Мелендез менен Эдсон Барбоза мушташат.

Холли Холм Лас-Вегаста атаандашы Миши Тэйттен утулуп калгандан кийин биринчи ирет рингге чыгып жатат. Тэйт Холмдун титулун март айындагы беттеште тартып алган. 

Шевченко 62 килограммга чейинки, ал эми Холм 61 килограммга чейинки салмакта күч сынашат.

Марттагы беттешүүдө Шевченко UFC турниринин алкагында бразилиялык Аманда Нуньенстен жеңилип калган. Эми Нуньенс Холмдун мурунку атаандашы Миши Тэйт менен 9-июлда беттешет. 

Ultimate Fighting Championship — Түндүк Америка, Европа жана Азияда аралаш эрежелер менен беттештерди өткөрүүчү спорттук уюм. Анын штаб-квартирасы Лас-Вегас шаарында жайгашкан.

Жаңылыктар түрмөгү
0