Голливуд Кыргызстанга кызыгууда

© Sputnik / Владислав УшаковКара-Суу көлү. Архив
Кара-Суу көлү. Архив - Sputnik Кыргызстан
Жазылуу
Лос-Анжелесте өткөн кино тартуу үчүн жер тандоо иш-чарасында Кыргызстандын көргөзмөсү мыкты деп табылды. Өлкө атынан баргандарга "Мыкты брендинг үчүн" сыйлыгы тапшырылды.

БИШКЕК, 25-апр. — Sputnik. Америкалык режиссерлор Кино жаатындагы Эл аралык ассоциациянын Локация шоусунда Кыргызстандын көргөзмөсүн чоң кызыгуу жараткан. 

Бул туурасында Дүйнөлүк көчмөндөр оюндарынын катчылыгы билдирди.

Локациялар шоусу — кино тартуу үчүн көпчүлүккө белгисиз аймак-жерлерди издеп жүргөн продюсерлердин башын бириктирүүчү ири эл аралык иш-чара.

Таймлапс-видео: Ысык-Көлдүн түштүк жээгинин ажайып кооздугу
Аталган шоу 21-23-апрель күндөрү Лос-Анжелес шаарында өткөн. Кыргызстандын жана Дүйнөлүк көчмөндөр оюндарынын расмий өкүлү катары иш-чарага "Кино жана телекөрсөтүү боюнча кыргыз-орус көз карандысыз комитет" уюму катышты.

Катчылык иш-чарада Кыргызстандын стенди эң кооз деп табылганын белгилейт. Көргөзмөнүн алгачкы күнүндө эле атайы комитет "Мыкты брендинг" категориясында дүйнөнүн булуң-бурчунан келген 70 атаандаштын ичинен биринчи орунду Кыргызстанга ыйгарган. 

"Иш-чарада америкалык продюсерлер Кыргызстандын жерине абдан кызыгып, биздин аймакта кино тартууга даяр экендиктерин билдиришти", — деп айтылат билдирүүдө.

Көз жоосун алган Кыргызстан. Асмандан көрүнүшү
Маалыматта Кыргызстанды кинокомпаниялар менен телеканалдарды тарткан бир нече фактор бар экени айтылат. Алардын ичинде инфраструктуранын өнүгүшү, аймактагы адистер, анан эң башкысы — көрөрмандын басымдуу бөлүгү үчүн Кыргызстан белгисиз өлкө экени артыкчылык берет. 

Иш-чара уланган үч күндүн ичинде Кыргызстандын өкүлдөрү республикада кино тартуу үчүн 200дөн ашуун продюсер менен сүйлөшүүлөрдү жүргүзгөн.

Жаңылыктар түрмөгү
0