КРдин тай бокс федерациясынын президенти Елена Шевченконун айтымында, турнирде мыкты аталгандар улуттук курамдын катарын толуктап,18-25-май күндөрү Швециянын Йенчепинг шаарында өтчү дүйнөлүк мелдешке барышат.
"Швецияда биздин спортчулар "Бүткүл дүйнөлүк оюндар-2017" мелдешине жолдомо алуу укугу үчүн күч сынашат. Бүткүл дүйнөлүк оюндар төрт жылда бир өтүп, анда спорттун олимпиадалык эмес түрлөрү боюнча жарыш болот. Быйыл оюндар Польшада өтөт", — дейт Шевченко.
Ал рингде күчтүү спортчулар күч сынашканын, турнирдин жыйынтыгы дүйшөмбү күнү белгилүү болорун кошумчалады.
