БИШКЕК, 21-апр. — Sputnik. Президент Алмазбек Атамбаев 1916-жылдагы окуялардын учурунда курман болгондорго арналган эстелик мемориалдын долбоорунун авторлорун кабыл алды. Бул тууралуу өлкө башчынын маалымат кызматы билдирди.
Аталган мемориал "Ата Бейит" комплексинин аймагына курулат. Президент анын эскиздери жана долбоордук документтер менен таанышып, курулуш иштеринин жүрүшү тууралуу маалымат алды.
Бул сынак эки ирет жарыяланып, анда өлкөдөгү белгилүү скульпторлор менен архитекторлордун ондогон долбоорлору жана иштери каралган.
Жолугушууга ошондой эле вице-премьер Гульмира Кудайбердиева, Тарых жана жана маданият жылы боюнча мамлекеттик дирекциянын башчысы Султан Раев, "Мурас" фондусунун төрагасы Тынчтыкбек Чоротегин жана Кыргыз эл жазуучусу, КР Баатыры Бексултан Жакиев катышты.
