https://sputnik.kg/20160421/1024573969.html
Эшигин ачпай, милициядан качкан мейманкана ээси. Жалал-Абадда "Мейман" рейди өттү
Эшигин ачпай, милициядан качкан мейманкана ээси. Жалал-Абадда "Мейман" рейди өттү
Sputnik Кыргызстан
Жалал-Абад шаарындагы мейманканалар, эс алуучу жайлар, жатаканалар "Мейман" операциясынын алкагында текшерүүгө алынды. Шаардык ички иштер бөлүмүнүн өкүлү... 21.04.2016, Sputnik Кыргызстан
2016-04-21T17:07+0600
2016-04-21T17:07+0600
2021-12-14T14:27+0600
https://sputnik.kg/img/102457/43/1024574355_6:3:2553:1440_1920x0_80_0_0_5cb7875abedbc8a41797083d0ff5b714.jpg
жалал-абад
Sputnik Кыргызстан
media@sputniknews.com
+74956456601
MIA „Rossiya Segodnya“
2016
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Эшигин ачпай, милициядан качкан мейманкана ээси. Жалал-Абадда "Мейман"
Sputnik Кыргызстан
Жалал-Абад шаарындагы мейманканалар, эс алуучу жайлар, жатаканалар "Мейман" операциясынын алкагында текшерүүгө алынды. Шаардык ички иштер бөлүмүнүн өкүлү Канатбек Тургунбаевдин айтымында, жеке мейманк
2016-04-21T17:07+0600
true
PT1M22S
Sputnik Кыргызстан
media@sputniknews.com
+74956456601
MIA „Rossiya Segodnya“
кыргызстан, коом, видео, жаңылыктар, жалал-абад
кыргызстан, коом, видео, жаңылыктар, жалал-абад
Эшигин ачпай, милициядан качкан мейманкана ээси. Жалал-Абадда "Мейман" рейди өттү
17:07 21.04.2016 (Жаңыртылды: 14:27 14.12.2021) Жалал-Абад шаарындагы мейманканалар, эс алуучу жайлар, жатаканалар "Мейман" операциясынын алкагында текшерүүгө алынды. Шаардык ички иштер бөлүмүнүн өкүлү Канатбек Тургунбаевдин айтымында, жеке мейманканалар эшиктерин ачпай, милиция кызматкерлеринен качып, текшерүүгө тоскоолдуктарды жаратты.
Иш-чаранын максаты сырттан келгендерди тактоо, издөөдө жүргөн кылмышкерлерди кармоо жана кылмыштардын алдын алуу экенин Жалал-Абад ОИИБден кошумчалашты.
Буга чейин айрым кылмышка шектүүлөр сырттан келип шаар аймагында түнөгөн учурлар катталып, мейманканаларда жашынып жаткан кылмышкерлер кармалган.
Жергиликтүү тургундар да мейманканалардан улам балдарынан уялганын айтышат. Өзүн Айчүрөк Маматова деп тааныштырган жаран бул жакка улуу-кичүү дебей келерин билдирди.
"Бир кызды төртөө ээрчитип кирип жатат. Калпагы бар аксакалдар келип жатат. Шаардын чекесинен кемпирлерге чейин келүүдө", — деп кейиди.
Ал эми Жалал-Абад облустук ички иштер башкармалыгынын башчысы Мелис Шералиев акыркы убакта шаарда катталган кылмыш иштеринин көбү сырттан келгендер тарабынан жасалып жаткандыктан ушул рейд уюштурулганын Sputnik Кыргызстан маалымат агенттигине билдирди.
"Жыл башында Оштон адам өлтүрүп келген террорчулар кармалган. Март айында Талас облусунун үч тургуну шаардагы мейманканаларда жатып Сузактан, Ноокенден жана Жалал-Абад шаарынан жалпысынан тогуз кылмыш жасашкан. Ошондуктан кылмыштуулуктун алдын алуу боюнча "Мейман" операциясын жасоону туура тапканбыз", — деди ал.
Аталган рейддин жыйынтыгында майда зомбулук жасаганы үчүн үч киши, ким экенин тактоо үчүн тогуз киши кармалган. Андан сырткары, жол эрежесин бузгандыгы боюнча 27 протокол түзүлүп, мас абалында машина айдаган бир киши кармалды. Ошондой эле мурда катталган бир кылмыштын бети ачылып, мас абалында жүргөн жети киши аныкталган.
