БИШКЕК, 19-апр. — Sputnik. Президент Алмазбек Атамбаев "Курал жөнүндө" мыйзамга өзгөртүү киргизүү боюнча мыйзамга кол койду. Бул тууралуу өлкө башчынын маалымат кызматы билдирди.
Аталган мыйзам Жогорку Кеңеш тарабынан үстүбүздөгү жылдын 10-мартында кабыл алынган.
Маалыматка ылайык, мыйзамдын максаты травматикалык куралды атып көрүүнү талап кылган ченемдерди мыйзамдарга киргизүү аркылуу аны жүгүртүүнү жөнөкөйлөштүрүү болуп саналат.
Мыйзам расмий жарыялангандан он беш күн өткөндөн кийин күчүнө кирет.
