БИШКЕК, 11-апр. — Sputnik. Филармониянын Мамлекеттик камералык хору 18-апрелде концерттик программасын тартуулайт. Бул тууралуу Sputnik Кыргызстан агенттигине филармониянын адабий бөлүмүнүн жетекчиси Улан Зайнидинов билдирди.
Концерт Тарых жана маданият жылына, Жусуп Баласагындын 1000 жылдыгына жана Кыргыз Улуттук филармониянын 80 жылдыгына карата өтөт.
"Иш-чарада кыргыз, орус жана дүйнөлүк композиторлордун хор үчүн жазылган чыгармалары аткарылат", — деп айтылат билдирүүдө.
Ал эми хордун башкы дирижеру жана көркөм жетекчиси Эл аралык конкурстардын жана Жумакматов атындагы сыйлыктын лауреаты, КРдин маданиятына эмгек сиңирген ишмер жана профессор Гүлбара Маматова болмокчу.
Концерттик программа филармониянын кичи залында саат 18:30да башталат.
