БИШКЕК, 11-апр. — Sputnik. Астана шаарында "Kazakhstan Open- 2016" аталышындагы коляскадагы бий боюнча турнир өттү. Бул тууралуу Тышкы иштер министрлигинин маалымат кызматы билдирди.
Ага ылайык, 2016-жылдын 8-9-апрель күндөрү Азиянын бий олимпиадасынын алкагында коляскада бийлөө боюнча жарыш болуп, ага Австрия, Грузия, Казакстан, Кыргызстан, Россия, Кытайдан келген 80 бийчи катышты.
Кыргызстандан барган Самыйбек кызы Адина бешинчи орунду ээлеп, диплом менен сыйланды.
Аталган лицензиялык мелдеште упай топтогон спортчулар Кытайдын Тайпей шаарында өтө турган Азиянын биринчилигине жолдомо алышты.
