БИШКЕК, 10-апр. — Sputnik. Ысык-Көлдө жол кырсыгынан үч адам мерт кетти. Бул тууралуу Кайгуул милициясынын маалымат кызматы билдирет.
Ага ылайык, кырсык жекшемби күнү түндө болгон. Анда Каракол шаарынын 47 жаштагы тургуну айдап келе жаткан Mercedes Benz үлгүсүндөгү унаасы менен Тору-Айгыр кыштагында Audi-100 кагылышып кеткен.
Анын кесепетинен Audi-100 унаасынын айдоочусу жана эки жүргүнчүсү каза болду. Алдын ала маалыматтар боюнча көз жумгандар 58 жаштагы жаран, анын 55 жаштагы жубайы жана 19 жаштагы баласы экени белгилүү болду.
Учурда экспертиза дайындалып, тергөө амалдары жүрүп жатат.
