БИШКЕК, 6-апр. — Sputnik. Билим берүү жана илим министрлиги 7-апрель — дем алыш күн боюнча маалыматты мектеп, бала бакча жана ЖОЖдорго факс жана электрондук дарек аркылуу жөнөтөт. Бул тууралуу аталган министрликтин маалымат кызматы Sputnik Кыргызстан агенттинен билдирди.
Бүгүн, 6-апрелде президент Алмазбек Атамбаев 7-апрелди эс алуу күнү кылуу боюнча мыйзамга кол койду.
"Президенттин 7-апрелди эс алуу күнү кылуу боюнча жарлыкка кол койгонун жаңы гана билдик. Буга ылайык эртеңки күн жөнүндөгү маалыматты мектеп, бала бакча жана ЖОЖдорго факс жана электрондук дарек аркылуу жеткиребиз", — дейт маалымат кызмат.
Бишкек шаардык мэриясынын алдындагы билим берүү башкармалыгынын жетекичиси Сауле Мейрманованын билдиришинче, шаардык метептерге жана бала бакчаларга маалымат телефон аркылуу жеткирилет.
