БИШКЕК, 29-мар. — Sputnik. Казакстандын Ак-Төбө облусунун Исатай айыл аймагынын акими Абдул Акылбеков жүк ташуучу автоунаа айдаган кыргызстандык Андрей Кудашевди куткарып калганын Tengrinews маалымат агенттиги билдирди.
Кудашев жолдогу балчыкты айланып өтөм деп оодарылып кеткен. Автоунаанын ичинде ал 20 мүнөттөй отурган.
Бектеновдун айтымында, ал облустук куткаруучуларга кабар берген.
"Казакстандын Актөбө облусунун Исатай айыл аймагынын акими Абдул Акылбеков окуя болгон жерге ошол эле күнү келген. Ал Кудашевге жакын айылдардын бирине барып, түнөөнү сунуштады. Бирок ал машинада жүк көп болгондуктан баш тартты. Аким өзүнүн автоунаасында айдоочу менен биргеликте талаада түнөөнү чечти", — дейт Бекенов.
Ал ошондой эле 28-мартта эртең менен жардам келип, машинадагы жүк башка автоунаага жүктөлүп, крандын жардамы менен оодарылып калган машина тургузулганын кошумчалаган.
Кыргызстандык айдоочу аны куткарып калгандарга ыраазычылык билдирген.
