БИШКЕК, 28-мар. — Sputnik. Эртең түштөн кийин жаан жаай турганын Кыргызгидромет билдирди.
Маалыматка ылайык, батыштан соккон шамалдын ылдамдыгы секундасына 4-9 метрден 14 метрге чейин жетиши мүмкүн. Ал эми аба ырайы 18 градус жылуу болот.
Кыргызгидромет маалымдагандай 31-марттан 2-апрелге чейин өлкөнүн көпчүлүк аймактарында жаан жаап, тоолуу райондорго кар түшөт. Мындай туруксуз аба ырайы айыл чарба иштерин, автоунаа, энергетика жана коммуналдык кызматтардын ишин жана кыштоо жайыттарда малды кармоону кыйындатат.
