БИШКЕК, 27-мар. — Sputnik. Ош шаарында өтүп жаткан шаардык кеңештин депуттарын шайлоодо калаа башчы Айтмамат Кадырбаев өз добушун берди.
Анда мэр шаардагы Ж.Бөкөнбаев атындагы орто мектебинин имаратында жайгашкан №5327-шайлоо участогунда жарандык милдетин аткарды.
"Саат 8:00дөн тарта шайлоо участкалары ишин баштады. Элдин маанайы жакшы. Шайлоо тынч өтүүдө", — дейт Кадырбаев.
Шаардык кеңешке 13 саясий партия ат салышып, учурда мыйзам бузуулар каттала элек. Шайлоо тынч өтүүдө.
Эскерте кетсек, бүгүн 27-мартында жергиликтүү кеңештерге шайлоо алты шаар менен 20дан ашуун айыл өкмөттөрүндө өтөт. Анда биометрикалык маалымат тапшырган 265 миң жаран добуш берет.
