БШК: мөөнөтсүз добуш берүүчүлөрдүн саны 2442 адамды түзөт

© Sputnik / Табылды КадырбековМөөнөтсүз добуш берүүчү. Архив
Мөөнөтсүз добуш берүүчү. Архив - Sputnik Кыргызстан
Жазылуу
Бүгүн жергиликтүү кеңеш шайлоосу белгиленген аймактарда мөөнөтсүз добуш берүү өтүп жатат.

БИШКЕК, 26-мар. — Sputnik. Кыргызстан боюнча жергиликтүү шайлоодо участкалардан тыш мөөнөтсүз добуш берүүчүлөрдүн саны 2442 адамды түзөрүн Борбордук шайлоо комиссиясы билдирди.

Ош: шайлоого болгон даярдык. Мэр, талапкерлер, карапайым калктын пикири
Бүгүн жергиликтүү кеңеш шайлоосу белгиленген аймактарда мөөнөтсүз шайлоо өтүп жатат. 

Мыйзамга ылайык, шайлоочулардын тизмесине кирип, бирок ден соолугуна байланыштуу участкаларга келе албаган, алыскы жайлоо жана кыштоолордо жашаган, ооруканада дарылангандар, абактагылар алдын ала берилген арыздын негизинде бир күн мурун добуш берүү укугуна ээ. 

Мөөнөтсүз добуш берген жаран өз арызында эмне себептен шайлоо участкасына келе албай турганын ачык, так түшүндүрүп бериши шарт.

Эскерте кетсек, эртең 27-мартында жергиликтүү кеңештерге шайлоо алты шаар менен 20дан ашуун айыл өкмөттөрүндө өтөт. Анда биометрикалык маалымат тапшырган 265 миң жаран добуш берет.

Жаңылыктар түрмөгү
0