Аламүдүн райсоту 40 миң сом пара менен кармалган атка минерди үй камагына чыгарып жиберди

© Sputnik / Кирилл Каллиников / Медиабанкка өтүүКишен. Архив
Кишен. Архив - Sputnik Кыргызстан
Жазылуу
Жер комиссиясынын төрагасы 10 гектар жерди ижарага берүү үчүн жергиликтүү тургундан 70 миң сом пара талап кылган.

БИШКЕК, 18-мар. — Sputnik. Ижарага жер берүү үчүн айыл тургунунан 40 миң сом пара алып жаткан Александров айыл өкмөтүнүн жер комиссиясынын төрагасын Аламүдүн райондук соту үй камагына чыгарды. Бул тууралуу ИИМ билдирди.

Аскер билети үчүн 25 миң сом талап кылган комиссариаттын кызматкери кармалды
Маалыматка ылайык, милицияга жергиликтүү тургун кайрылып, ижарага 10 гектар жер алуу үчүн комиссиянын төрагасы 70 миң сом пара талап кылып жатканын айткан.

Бул факт боюнча Кылмыш жаза кодексинин "Пара талап кылуу" беренесинин негизинде кылмыш иши козголуп, иликтөө иш-аракеттеринин натыйжасында атка минер 40 миң сом акча алып жаткан жеринен кармалган.

Төрага убактылуу кармоочу жайга киргизилген. Бирок Аламүдүн райондук соту баш коргоо чарасын аныктоодо аны үй камагына чыгаруу чечимин кабыл алган.

Жаңылыктар түрмөгү
0