БИШКЕК, 15-мар. — Sputnik. Шейшемби жана шаршемби күндөрү Бишкекте маал-маалы менен айрым көчөлөр жабыла турганын Жол кайгуул кызматы билдирди.
Маалыматка ылайык, шейшемби күнү кечинде Кыргызстанга Чехиянын депутаттар палатасынын төрагасы Ян Гамачек расмий сапары менен келип, ал 17-мартка чейин созулат.
Жол кыймылына чектөө төмөнкү көчөлөрдө киргизилет:
- Жибек Жолу көчөсүнөн Манас проспектисине чейинки Махатма Ганди көчөсү;
- Манас проспектисинен мамлекеттик резиденцияга чейин;
- Чүй проспектисиндеги Раззаков, Абдымомунов, Киев жана Тоголок Молдо көчөлөрү.
17-март күнү саат 09.00дөн баштап 12.00гө чейин жол кыймылына Манас, Чүй проспектилери, Совет, Жибек Жолу, Ганди көчөлөрүндө улам чектөө киргизилип турат.
