БИШКЕК, 12-мар. – Sputnik. Бүгүн университеттердин экинчи жарманкеси өткөрүлүп жатат. Бул тууралуу Билим жана илим министрлигинин маалымат кызматы билдирди.
Жарманкенин негизги максаты абитуриенттер менен алардын ата-энелерине окуу жайлардын өзгөчөлүктөрү жана факультеттер тууралуу толук маалымат берүү болуп эсептелет. Мындан сырткары окуу жайларга тапшыруу шарттары менен кесип тандоо боюнча мастер-класстар өткөрүлдү.
Окуучулар менен студенттер ортосунда "Big brothers, Big sisters" (эжелер, байкелер) байланыш аянтчасы түзүлүп, студенттер тарабынан окуучуларга кесип тандоодо кеңештер берилди.
Белгилей кетсек, "Big Brothers Big Sisters" программасына жарманкеге келген 11-класстын окуучулары жазылышса болот. Ал аркылуу апрель айынан августка чейин жеке кеңештерди окуучулар бекер ала алышат.
