Швейцарияда өтүүчү эл аралык кинофестивалда "Курманжан датка" тасмасы көрсөтүлөт

© Фото / предоставлено Азизом Мурадиллаевым"Курманжан датка" фильминен үзүндүгү. Архив
Курманжан датка фильминен үзүндүгү. Архив - Sputnik Кыргызстан
Жазылуу
Садык Шер-Нияздын тасмасы дүйнө жүзүндөгү аялдар тууралуу кинолордун Fiercer than the Male секциясына киргизилди.

БИШКЕК, 12-мар. — Sputnik. Режиссер Садык Шер-Нияздын "Курманжан датка" тасмасы Швейцариянын Фрибург шаарында 11-19-мартта өтө турчу эл аралык кинофестивалда көрсөтүлөт. Бул тууралуу "Айтыш фильм" киностудиясынын маалымат кызматы кинофестивалдын расмий сайтына шилтеме берүү менен билдирди.

"Фестивалда жыл сайын дүйнө жүзүндөгү эң мыкты делген тасмалар чогултулуп көрсөтүлөт жана Азия, Африка, Латын Америкасындагы киноөндүрүштү колдоого чоң салым кошуп келет", — деп айтылат билдирүүдө.

Ника сыйлыгы. Архив - Sputnik Кыргызстан
"Ника" сыйлыгын алууда "Сүтак" тасмасынын атаандаштары аныкталды
Кинофорум түрдүү шаарлардын маданиятын жана салттарын даңазалап көрсөтүүгө багытталган. Ошондой эле, мамлекеттер арасындагы маданий байланыштарды чыңдоону да көздөйт.

"Курманжан датка" Fiercer than the Male кино жанры боюнча тизмеге кирди. Ага дүйнө жүзүндөгү аялдар тууралуу тартылган тасмалар кирет. Садык Шер-Нияздын тасмасы 16чы жана 19-мартта көрсөтүлөт.

Аталган тасма буга чейин бир канча эл аралык кинофестивалдарга катышып, сыйлыктарды алган.

"Курманжан датка" тасмасы мамлекеттик тапшырык менен 2014-жылы тартылып, ага мамлекеттик бюджеттен 1,5 миллион доллар сарпталган. Анын бет ачары былтыр 31-августта Кыргызстандын эгемендүүлүк күнүндө болгон.

Жаңылыктар түрмөгү
0