БИШКЕК, 2-мар. — Sputnik. Кыргызстан Түркия мамлекети төө буурчакка болгон 19,3 пайыздык бажы төлөмүн төмөндөтөрүнө ишеним арта турганын айыл чарба министри Турдуназир Бекбоев Анкарага болгон иш сапарынын учурунда билдирди.
Маалыматка ылайык, министр Түркиянын азык-түлүк, айыл чарба жана мал чарбачылыгынын министри Фарух Челик менен жолугушуп, айыл чарба жаатындагы эки тараптуу кызматташууну талкуулады.
Кыргыз төө буурчагы боюнча маселени карап жатып, Бекбоев 2014-жылы Түркия тарабынан киргизилген 19,3 пайыздык бажы төлөмүн төмөндөтүү же жоюу чечими кабыл алынарына ишеним артты.
