БИШКЕК, 1-мар. — Sputnik. Москанын Пресненск соту наристени өлтүрүүгө шектелген бала багуучуну камакка алуу боюнча маселени эртең, 2-мартта чече турганын соттун маалымат катчысы Нина Юркова билдирди.
Үрөй учурган кылмыш Москвада дүйшөмбү күнү эртең менен болгон: бала багуучу жубайлар улуу уулу менен чыгып кеткенден кийин үйдү өрттөп, эшикке чыгып кеткен.
Аял 20 мүнөттөй көчөдө баланын кесилген башын көтөрүп жүргөн. Өзү менен өзү сүйлөшүп, өтүп бара жаткан адамдарды коркуткан. Федералдык миграция кызматынын маалыматы боюнча бала багуучу Өзбекстандан келип, Москвада мыйзамсыз иштеп жүргөнү аныкталган.
