Кыргызстандык сууда сүзгүчтөр Германияда төрт алтын медаль алышты

БИШКЕК, 28-фев — Sputnik. Кыргызстандын сууда сүзгүчтөрү Германияда өтүп жаткан "Berolina Cup 2016" мелдешинин алгачкы эле күнүндө төрт алдын медаль тагынганын КРдин суу сүзгүчтөр федерациясы кабарлайт. 

Берлинде өтүп жаткан мелдеште дүйнөнүн 1000 сууда сүзгүчтөр күч сынашууда. 

100 метрдик аралыкта эки колу тең ыргытып сүзүү боюнча 15-16 жаштар арасында Денис Петрашов жана 17-18 жаштагы өспүрүмдөр арасында Рамазан Тайматов алтын тагынышты. 

Кыздардан 12 жашка чейинкилер арасынан Дарья Таланова жана Елизавета Рогожникова эки колу тең ыргытып сүзүү боюнча биринчиликти багынтты. Мындан сырткары Рогожникова 200 метрдик комплестүү сууда сүзүү боюнча үчүнчү орунга татыган. 

Никита Пауков 15-16 жаштар арасындагы 50 метрдик чалкасынан сүзүү боюнча коло тагынса, 11 жашка чейинкилерден Иван Пантелеевда ушул эле түрдө үчүнчүлүккө татыды. Пантелеев мындан сырткары 50 метрдик эркин сүзүү боюнча коло медаль алды. 

Станислав Карнаухов 50 метрдик эркин сүзүү боюнча коло тагынса, Султан Букеев 100 метрдик сүзүүдө экинчиликти багынтты. 

Мындан сырткары спортсмендер Артем Камарда, Станислав Карнаухов, Асылбек Усенканов жана Темирлан Каратаевдер 4Х50 форматы боюнча эркин сүзүүдөгү эстафетада коло медаль тагынышты.