БИШКЕК, 28-фев. — Sputnik. Прокуратура кызматкерлери өрттөн документтердин көбүн сактап калышканын Sputnik Кыргызстан агенттигине Өрткө каршы агенттигинин директору Нуржан Осмоналиев билдирди.
ӨКМнин маалымат кызматынын айтканы боюнча 27-февраль күнү саат 01.30да Жалал-Абад шаарында жайгашкан прокуратуранын имаратында өрт чыккан. Жалын саат беште өчүрүлгөн.
Осмоналиевдин айтымында, өрттүн себеби азырынча аныктала элек, комиссия түзүлүп, эксперттер иш алып барууда.
"Имараттын 450 чарчы метер аянты, чатыры жана эмеректер күйүп кеткен. Документтердин көбүн сейф менен сыртка алып чыгууга үлгүрүшкөн", — деди ал.
Окуя болгон жерде бир өрт өчүрүүчү унаа иштеген.
