БИШКЕК, 22-фев. — Sputnik. Кытайда өлүм жазасына тартылган кыргызстандык Светлана Кулбаеванын сөөгү мекенине алып келингенин Sputnik Кыргызстан агенттигине Тышкы иштер министрлигинин расмий өкүлү Нурлан Сүйөркулов билдирди.
19 Бирдин айы 2016, 19:40
Анын айтымында, сөөк Кыргызстанга 20-февраль күнү алып келинди. ТИМ кызматкерлери менен бирге аэропорттон сөөктү маркумдун уулу тосуп алды.
Мындан алты жыл мурун, 2010-жылы Светлана Кулбаева Үрүмчү шаарынын аэропортунан 7,2 килограмм героин менен кармалган. Ага өлүм жазасы чегерилген. Кыргыз тараптын сот чечимин өзгөртүүгө жасаган аракетине карабастан жаза 4-февраль күнү инъекция жасоо жолу менен ишке ашырылды.
