БИШКЕК, 6-фев. – Sputnik. Facebook социалдык тармагына "Коопсуздук" кызматы Тайвандын түштүгүндө болгон жер титирөөдөн кийин ишке киргизилгендиги тууралуу Марк Цукерберг жеке баракчасына жазып чыкты.
Эске салсак, Тайвандын түштүгүндөгү Тайнан шаарында 6-февралдын таңында күчү 6,4 баллга жеткен силкинүү болуп анда алты адам каза таап, 378 жаран ооруканага жеткирилген.
"Тайвандагы жер силкинүүдөн кийин Facebook социалдык тармагына "Коопсуздук" кызматын ишке киргиздик", — деп билдирет Цукерберг.
Буга чейин "Коопсуздук" кызматы ноябрь айындагы Нигерияда болгон жардыруудан кийин ишке киргизилип, Париждеги терракттан улам жаңыланган.
"Коопсуздук" кызматы аркылуу Facebook колдонуучулары аман калгандыктарын билдире алышат.
