Жогорку Нарын каскад ГЭСин куруу үчүн документация иштерине 800 млн. сом кеткен

© Sputnik / Табылды КадырбековЖогорку Нарын каскад ГЭСинин курулуш аймагы. Архив
Жогорку Нарын каскад ГЭСинин курулуш аймагы. Архив - Sputnik Кыргызстан
Жазылуу
“Жогорку Нарын ГЭС” ЖАКтын башкармалыгынын төрагасы каражаттын кайда кеткенин айтып берди.

БИШКЕК, 5-фев. — Sputnik. Жогорку Нарын каскад ГЭСТин куруу үчүн документация иштерине 800 миллион сом корогонун “Жогорку Нарын ГЭС” ЖАКтын башкармалыгынын төрагасы Александр Варнаев Жогорку Кеңештин атайын комиссиясынын жыйынында билдирди.

Ал ошондой эле бүгүнкү күнгө чейин 2 миллиард сом Жогорку Нарын каскадына коротулганын кошумчалады. 

"ГЭСтин айланасына 450 орундук вахта поселогу курулду. Ага 260 миллион сом кеткен. Андан тышкары Нарын облусунун жергиликтүү бюджетине 120 миллион сомдой салык төлөндү", — деди Варнаев. 

"Жогорку Нарын ГЭС" ЖАКтын башчысы тергөө иштерин тийиштүү органдар текшериши керектигин айтты. Өз кезегинде Жогорку Нарын каскад ГЭСинин курулушу боюнча Жогорку Кеңештин атайын комиссиясынын башчысы Алмамбет Шыкмаматов бул иштерди кыргыз тараптан дагы, орус тараптан да тиешелүү органдар текшере турганын айтты. 

"Кыргызстандын эсептөө палатасы өкмөттөр аралык келишимдин негизинде коротулган 2 миллиард сом боюнча толук аудит жүргүзүшү керек", — деди ал. 

Шыкмаматов КР Эсептөө палатасы эки айдын ичинде отчетту бериши керектигин белгиледи.

Нарын Жогорку каскадын куруу боюнча Россия менен жетишилген макулдашуу аталган өлкөдөгү каатчылыктан улам жакында денонсацияланган. Депутаттар ГЭСтин инфраструктурасун курууга чыгымдалган 37 миллион доллар каражаттын дайын-дарегин иликтөө үчүн атайын комиссия түзүп, аны "Ата Мекен" фракциясынан депутат Алмамбет Шыкмаматов жетектеген.

Комиссиянын алдын ала маалыматы боюнча курулушка сарпталды делген каражат чыныгы суммадан 2-3 эсе жогорулатылган.

Жаңылыктар түрмөгү
0