БИШКЕК, 2-фев. — Sputnik. "ВТБ 24" банкы менен "Одноклассники" социалдык тармактарда акча которуу кызматын ишке киргизгенин банктын маалымат кызматына таянуу менен РИА Новости жазып чыкты.
Бул тармактын пайдалануучулары менен акча жөнөткөндөр алуучуну, каражат алынуучу картаны жана сумманы көрсөтүшү керек. Бул үчүн акча алып жаткан жактын картасынын номерин билүүнүн кажети жок, бардык маалыматтар акча алуучудан суралат. Аталган кызмат сервистин веб-версиясы жана iOS менен Android мобилдүү тиркемелери үчүн жеткиликтүү болот.
"Бул учурда абдан чоң мааниге ээ. Биринчиден пайдалануучулар үчүн ыңгайлуу. Акчаны соцтаркмактан чыкпай туруп жөнөтүп ийүүгө мүмкүн, мында картанын номери жана башка маалыматтар автоматтык түрдө жеткиликтүү болот", — деп айтылат билдирүүдө.
Сервистин техникалык тейлөөсүн ВТБ тайпасына кирген компания ишке ашырат. Алгачкы үч ай аралыгында 500 рублге чейинки каражат эч кандай комиссиясыз жөнөтүлөт. Кийинки которуулар 500 рублге чейин сумма үчүн 30 рубль, 501-8000 рублге чейинкилер үчүн 60 рубль комиссия алынмакчы. Которуунун минималдуу чеги — 100 рубль, ал эми максималдуу көлөмү — 8000 рублди түзөт.
