БИШКЕК, 29-янв. — Sputnik. Орто мектептерде музыка, сүрөттөн сабак берген мугалимдери менен кол өнөрчүлүк ийримдеринин жетекчилери квалификацияны жогорулатуу курсунан өткөнүн мэрия билдирди.
Маалыматка ылайык, курстар Билим берүү башкармалыгынын ЖОЖдор менен кызматташуусунун алкагында Арабаев атындагы Кыргыз мамлекеттик университетте өттү.
Анда мугалимдер үчүн теоретикалык жана практикалык сабактар өтүлүп, компьютердик графика, кол өнөрчүлүк, хор жамааты менен иштөө, музыка жана сүрөт сабагын окутуу жаатында инновациялык ыкмаларды колдонуу боюнча мастер-класстар сунушталды.
Курстун аякташы менен 38 шаардык мугалим атайын сертификатка ээ болду.
