БИШКЕК, 20-янв. — Sputnik. Саламаттыкты сактоо министрлиги Кыргыз мамлекеттик медициналык академиясынын (КММА) студенттерин практиканы айылдан өтүп, элет жеринде иштөөгө чакырды. Бул тууралуу аталган министрликтин маалымат кызматы билдирди.
59 практиканттан турган биринчи топ аймактарда февраль айынан апрелге чейин иштеп келсе, экинчи команда 83 болочок дарыгерден туруп, октябрь айынан баштап декабрга чейин практикадан өттү.
Бул иш-чаралардын жыйынтыгы кечээ чыкты. Министрликтин Медициналык жардам көрсөтүү жана дары-дармек саясаты башкармалыгынын жетекчиси Саматбек Тойматов облустарга баруудан чочулабаш керек экенин, ал жактан студенттер көп тажрыйба топтой турганын белгиледи.
Анын айтымында, операция жасоонун айрым керектүү жана кызыктуу ыкмаларын айылда башталып, андан кийин шаарда пайдаланылат.
