Бул — Ысык-Көл облусунун аймагындагы эл аралык мааниге ээ жолдордун бири.
Учурда тиешелүү техникалар тартылып, кум-шагыл чачуу иштери жүргүзүлүүдө.
"Азыр Каркырада бир метрге чукул кар жатат, бирок, жол күнү-түнү ачык. Дайыма борошо болуп тургандыктан, жолду улам ачып турууга туура келет. Иш татаал эле. Анткен менен Түп районунун Ысык-Көл облусунун №4 жол тейлөө мекемеси жолду дайым ачып, тазалап турат", — деди Күчүков.
Жолдун узундугу 76 чакырым, анын 39 чакырымы толугу менен бүткөрүлгөн. Быйыл каражат бөлүнсө, жолдун 12 чакырымы эки катмар болуп асфальтталат.
Казакстан менен байланыштырган жол адатта 15-майдан тарта 1-октябрга чейин ачык болуп, кыштын келиши менен убактылуу жабылат.
Келерки жылдан тарта өкмөт ЕАЭБдин алкагында жол жыл бою ачык болуп, эки тараптын алакасын арттырууга, өлкөдөгү туризм жаатынын өнүгүшүнө салымын кошот деген ниетте.
